სამარცხვინო კანონპროექტი თუ ნარკოპოლიტიკის ლიბერალიზაციის მცდელობა?

საქართველოს მთავრობა საკანონმდებლო ინიციატივით გამოდის – სისხლის სამართლის კოდექსის 260-ე მუხლის შინაარსის ოპტიმიზაციის შედეგად, ნარკოტიკებისა და ახალი ფსიქოაქტიური ნივთიერებების გასაღებასა და წარმოება-შეძენა-შენახვაზე სხვადასხვა სანქცია გავრცელდება. სასჯელის ზედა ზღვარი – 11 წელი – 6 წლამდე შეუმცირდება მათ, ვინც ნარკოტიკული საშუალების, მისი ანალოგის  ან პრეკურსორის უკანონო დამზადება, წარმოება, შეძენა, შენახვა, გადაზიდვა ან გადაგზავნაში იქნება მხილებული, რაც შეეხება გასაღებას – ის კვლავ განისაზღვრება 11 წლამდე თავისუფლების აღკვეთით. უფრო დეტალურად კანონპროექტს პარლამენტში მიმდინარე კვირის განმავლობაში განიხილავენ. წინასწარი პროგნოზით, უმრავლესობა მას მხარს დაუჭერს, რადგან კანონპროექტი პირდაპირ ებმის 21-22 მაისის რიგაში გამართულ აღმოსავლეთ პარტნიორობის სამიტს, სადაც ევროპულმა კომისიამ უნდა გამოსცეს რეკომენდაცია საქართველოს მიერ ვიზალიბერალიზაციის სამოქმედო გეგმის,  ევროკავშირთან უვიზო მიმოსვლის მოთხოვნების შესრულებასთან დაკავშირებით.